კოვიდ 19-ით ინფიცირებულთა საერთო რაოდენობამ მსოფლიოში100 მილიონს გადააჭარბა.

პანდემიის პერიოდში ახალი კორონავირუსით გარდაცვლილთა რაოდენობამ კი 2 149 460-ს მიაღწია, რაც შეეხება გამოჯანმრთელებულთა რიცხვს, მთლიანობაში, მსოფლიოში, გამოჯანმრთელდა კოვიდ 19-ით დაინფიცირებული 72 მილიონი ადამიანი.

კორონავირუსით ინფიცირების მაჩვენებლით აშშ ლიდერობს, მეორე ადგილს იკავებს ინდოეთი, მესამე ადგილზეა ბრაზილია, მეოთხეზე - რუსეთის ფედერაცია, ინფიცირებულთა რაოდენობით მეხუთე ადგილზეა გაერთიანებული სამეფო.

რაც შეეხება საქართველოს, ინფიცირებულთა რაოდენობით, საქართველო მსოფლიოში 45-ე ადგილზეა ინფიცირების 253 818 შემთხვევით.