ცენტრალური  ავტომაგისტრალის იგოეთი-გორის მონაკვეთზე ახლახანს ავტოსაგზაო შემთხვევა მოხდა. ავარიის დროს ერთმანეთს სამი სატრანსპორტო საშუალება შეეჯახა. შემთხვევის შედეგად მსუბუქად დაშავდა ერთ-ერთი ავტომანქანის მგზავრი. შემთხვევის ადგილზე საპატრულო პოლიციის, სასწრაფო-სამედიცინო დახმარების და შიდა ქართლის საგანგებო სიტუაციების მართვის მთავარი სამმართველოს თანამშრომლები იმყოფებოდნენ.

როგორც GMnews-ს შინაგან საქმეთა სამინისტროში განუცხადეს, მომხდარ ფაქტზე გამოძიება სსკ-ის  276-ე მუხლის მე-2 ნაწილით მიმდინარეობს.