საინტერესო ამბები
31.10.2019 12:04
დღეს, აშშ-ში ჰელოუინის დღესასწაული აღინიშნება
დღეს, 31 ოქტომბერს, ამერიკაში ჰელოუინის დღესასწაული აღინიშნება. აშშ-ის ქალაქებსა და სოფლებში ტარდება სხვადასხვა ღონისძიება და მსვლელობა - თამაშები, წვეულებები, „მოჩვენებებიანი სახლების“ მონახულება, საზარელი ისტორიების თხრობა და საშინელებათა ფილმების რეტროსპექტივები. ჰელოუინთან დაკავშირებულია გოგრებში თვალებისა და პირების ამოჭრის ტრადიცია.
ჰელოუინის დღესასწაულის ელემენტები ჩრდილოეთ ამერიკაში ირლანდიელმა მიგრანტებმა XIX საუკუნეში ჩაიტანეს. დღესასწაულის წარმართული ტრადიციით, ჰელოუინის დროს, "მყარდება კავშირი სულებთან". წარმართული დასაბამის მიუხედავად, ფაქტია, რომ ამ დღესასწაულს ყოველწლიურად უფრო და უფრო მეტ ქვეყანაში აღნიშნავენ.
აშშ-ის გარდა, ჰელოუინი აღინიშნება დიდ ბრიტანეთში, ესპანეთში, კანადაში, ირლანდიაში, პუერტო-რიკოში, იაპონიაში, ახალ ზელანდიაში და ავსტრალიის სხვადასხვა რეგიონში.
