საზოგადოება
05.01.2021 19:20
ხვალ, 6 იანვარს, შობის ღამეს, 21:00 საათიდან 05:00 საათამდე დაწესებული შეზღუდვა ქვეითებისა და ტრანსპორტის გადაადგილებაზე არ იმოქმედებს
ხვალ, 6 იანვარს, შობის ღამეს, ისევე, როგორც 31 დეკემბერს, 21:00 საათიდან 05:00 საათამდე, პირთა გადაადგილება როგორც ქვეითად, ისე სატრანსპორტო საშუალებით და ასევე საჯარო სივრცეში ყოფნა დაშვებულია.
31 დეკემბერს და 6 იანვარს, შობის ღამეს, შეზღუდვის გაუქმება უწყებათაშორისმა საკოორდინაციო საბჭომ გამონაკლისის სახით დაუშვა.
რაც შეეხება სხვა შეზღუდვებს, 31 იანვრის ჩათვლით:
მთელი ქვეყნის მასშტაბით, კვლავ ძალაში რჩება გადაადგილების შეზღუდვა 21:00 საათიდან 05:00 საათამდე, როგორც ქვეითად, ისე ავტომობილით;
▶ მგზავრების რეგულარული საქალაქთაშორისო გადაყვანა, მათ შორის – რკინიგზით, ავტობუსით, სამარშრუტო ტაქსით.
მსუბუქ ავტომობილებზე, მათ შორის ტაქსებზე, არ წესდება შეზღუდვა;
▶ რესტორნები და კვების ობიექტები მუშაობენ კვლავ გატანის სერვისზე.
▶ აკრძალულია ფიტნეს დარბაზებისა და საცურაო აუზების მუშაობა;
▶ კვლავ არ არის დაშვებული კონფერენციის, ტრენინგის, კულტურული, გასართობი ღონისძიებების ჩატარება – დასაშვებია მხოლოდ ონლაინფორმატით.
▶ შეზღუდულია სპორტული, სახელოვნებო და კულტურული წრეების/სტუდიების საქმიანობა.
▶ სასტუმროების მუშაობა დასაშვებია მხოლოდ საკარანტინო სივრცეების მოსაწყობად;
▶ასევე, 31 იანვრამდე შეჩერებულია სათხილამურო ტრასებისა და სათხილამურო საბაგიროების ფუნქციონირება.
3 იანვარი – 15 იანვრის პერიოდში:
▶ ცხადდება უქმე/დასვენების დღეები, გარდა ბანკებისა და სტრატეგიული მნიშვნელობის ობიექტებისა და სერვისებისა.
16 იანვრიდან – 31 იანვრამდე პერიოდში, ქვეყნის მასშტაბით:
▶ აღდგება მუნიციპალური და საქალაქთაშორისო ტრანსპორტის მუშაობა, სავაჭრო ობიექტებისა და ღია და დახურული ბაზრობების მუშაობა (გარდა შაბათ-კვირისა).
▶ შაბათ-კვირას ტრანსპორტი, სავაჭრო ობიექტები და ბაზრობები აჩერებენ მუშაობას.
