საზოგადოება
22.12.2020 13:46
საზოგადოებრივი და საქალაქთაშორისო ტრანსპორტის მოძრაობის შეზღუდვა ძალაში რჩება
24 დეკემბრიდან 2 იანვრამდე დიდ ქალაქებში - თბილისში, რუსთავში, ქუთაისში, ბათუმში, გორში, ზუგდიდში ფოთსა და თელავში საზოგადოებრივი ტრანსპორტის გადადგილების შეზღუდვა ძალაში რჩება, - აღნიშნული გადაწყვეტილება უწყებათაშორისმა საკოორდინაციო საბჭომ მიიღო.
საბჭოს გადაწყვეტილებით, ასევე აკრძალული იქნება საქალაქთაშორისო ტრანსპორტის მოძრაობა.
შეგახსენებთ, რომ უწყებათაშორისი საკოორდინაციო საბჭოს გადაწყვეტილებით, საზოგადოებრივი და საქალაქთაშორისო ტრანსპორტის გადაადგილებაზე დაწესებული შეზღუდვის მოხსნა 24 დეკემბრიდან 2 იანვრამდე იგეგმებოდა, თუმცა, არსებული ეპიდემიოლოგიური მდგომარეობიდან გამომდინარე, საბჭომ რეგულაცია ძალაში დატოვა.
