ქვეყანაში გამოვლენილი კორონავირუსის 4 146 ახალი შემთხვევიდან 268 შიდა ქართლში დაფიქსირდა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

ბერდია სიჭინავამ მედიას დედაქალაქსა და რეგიონებში არსებული სტატისტიკური მონაცემები გააცნო.

„დღეს ქვეყანაში გამოვლენილი ინფიცირების 4 146 ახალი შემთხვევიდან, თბილისში გამოვლენილია 1 708 შემთხვევა, აჭარა - 313, იმერეთი - 636, ქვემო ქართლი - 281, შიდა ქართლი - 268, გურია - 82, სამეგრელო-ზემო სვანეთი - 397, კახეთი - 252, მცხეთა-მთიანეთი - 116, სამცხე-ჯავახეთი - 69, რაჭა-ლეჩხუმი და ქვემო სვანეთი - 24“, - განაცხადა სიჭინავამ.

შეგახსენებთ, რომ გასული დღე-ღამის განმავლობაში, ქვეყანაში კოვიდინფიცირების 4 146 ახალი შემთხვევა გამოვლინდა, გამოჯანმრთელდა 2 129 პირი, გარდაიცვალა 37 კოვიდპაციენტი.

ამ დროისთვის, ინფიცირების მიმდინარე აქტიური შემთხვევა არის 30 918, საიდანაც, 6 881 ადამიანი მკურნალობს საავადმყოფოში, მძიმე პაციენტია 1 138, ხელოვნური სუნთქვის აპარატზე იმყოფება 436 პირი. 3 400 ადამიანი მოთავსებულია კლინიკურ-სასტუმროებში, 20 637 პირი კი, ვირუსის მკურნალობის კურსს გადის საცხოვრებელ ბინაზე. ამ ეტაპისთვის თვითიზოლაციაში იმყოფება 51 664 ადამიანი, საკარანტინე სივრცეებში მოთავსებულია 1 017 ადამიანი.