შიდა ქართლის სამხარეო ადმინისტრაციის ინიციატივით, ტურისტულად აქტიურ და ხალხმრავალ ლოკაციებზე საინფორმაციო ბანერები განთავსდა. პროექტი ადგილობრივი თვითმმართველობის, ტურიზმის ეროვნული ადმინისტრაციისა და კერძო სექტორის თანამშრომლობით განხორციელდა.

ბანერები განთავსებულია ლომჭაბუკის სკვერის, გორის ციხის, თბილისი-სენაკი-ლესელიძის დამაკავშირებელ ავტომაგისტრალზე მდებარე სავაჭრო ცენტრების -„გუდვილისა“ და „სმარტის“ ტერიტორიაზე.

როგორც სამხარეო ადმინისტრაციაში ამბობენ, ბანერების განთავსება ხელს შეუწყობს როგორც ადგილობრივი, ისე უცხოელი ტურისტების ინფორმირებას და შიდა ქართლის რეგიონში არსებული ძეგლების და ტურისტული ადგილების პოპულარიზაციას.