შიდა ქართლის რეგიონიდან გაგზავნილი 384 ნიმუშიდან კოვიდ 19-ით ინფიცირების 177 ფაქტი დადასტურდა.

მთლიანობაში, რეგიონში დაფიქსირებულია კორონავირუსით ინფიცირების 1407 შემთხვევა. მათგან 600-მდე პაციენტი მკურნალობას სახლის პირობებში გადის.

თვითიზოლაციაში მყოფ პირთა რაოდენობა 1500-ს აჭარბებს.

შეგახსენებთ, საქართველოში კოვიდ 19-ით ინფიცირების 2 775 ახალი შემთხვევა გამოვლინდა და მთლიანობაში, ინფიცირებულთა საერთო რაოდენობა 51 993-მდე გაიზარდა.

2 775 ახალი შემთხვევიდან, თბილისში გამოვლენილია 1 044 შემთხვევა, აჭარაში - 503, იმერეთში - 526, ქვემო ქართლში - 207, შიდა ქართლში- 177, გურიაში - 89, სამეგრელო-ზემო სვანეთში - 117, კახეთში - 36, მცხეთა-მთიანეთში - 25, სამცხე-ჯავახეთში - 25, რაჭა-ლეჩხუმსა და ქვემო სვანეთში - 8.

ბოლო 24 საათში, საქართველოში კიდევ 22 ადამიანი გარდაიცვალა და კორონავირუსით გარდაცვლილთა საერთო რაოდენობა 423 გახდა.