საზოგადოება
31.10.2020 10:53
ხმა მივეცი ჩვენი ქვეყნის უკეთეს მომავალს, განვითარებას, მშვიდობას და ევროატლანტიკურ სტრუქტურებში ინტეგრაციას - გიორგი ხოჯევანიშვილი
გორისა და კასპის გაერთიანებულ საარჩევნო ოლქში „ქართული ოცნება - დემოკრატიული საქართველოს“ მაჟორიტარობის კანდიდატმა, გიორგი ხოჯევანიშვილმა საკუთარი არჩევანი უკვე დააფიქსირა. ხოჯევანიშვილმა ხმა გორის #1 საჯარო სკოლაში გახსნილ საარჩევნო უბანზე მისცა და მედიასთან კომენტარიც გააკეთა.
„ხმა მივეცი ჩვენი ქვეყნის უკეთეს მომავალს, მხარი დავუჭირე ჩვენი ქვეყნის განვითარებას, მშვიდობას, ევროატლანტიკურ სტრუქტურებში ინტეგრაციას და რა თქმა უნდა, კიდევ უფრო უკეთეს ხვალინდელ დღეს გორისა და კასპის მუნიციპალიტეტების მოსახლეობისთვის.
აქვე ვისარგებლებ შემთხვევით და მოვუწოდებ თითოეულ მოქალაქეს, მოვდნენ არჩევნებზე, დააფიქსირონ საკუთარი არჩევანი და მხარი დაუჭირონ სასურველ კანდიდატსა და პოლიტიკურ სუბიექტს“, - განაცხადა გიორგი ხოჯევანიშვილმა.
