ოკუპირებული ცხინვალის რეგიონის მილიციის წინასწარი დაკავების იზოლატორიდან კორონავირუსით ინფიცირებული დაკავებულები და იზოლატორის თანამშრომლები ჯავის საავადმყოფოში გადაიყვანეს.

ოკუპირებული რეგიონის ე.წ. შსს-ზე დაყრდნობით, ადგილობრივი მედიის მიერ გავრცელებული ინფორმაციით, ჯავის კლინიკაში იზოლატორიდან 22 პირია გადაყვანილი.

რაც შეეხება დე ფაქტო პრეზიდენტ ანატოლი ბიბილოვს, „რესის“ ინფორმაციით, მას კოვიდ 19-ის მსუბუქი ფორმა ჰქონდა და უკვე განიკურნა.

კორონავირუსით დაინფიცირდნენ ე.წ. პრემიერ-მინისტრის მოვალეობის შემსრულებელი გენადი ბეკოევი და დე ფაქტო რეჟიმის ე.წ. პარლამენტის თავმჯდომარე ალან ტადტაევი.