კულტურა
12.10.2020 14:05
სამ ნომინაციაში აღებული ჯილდო - ერისთავის სახელობის თეატრის მორიგი აღიარება
„წლის საუკეთესო თეატრალური ნამუშევარი 2020“-ის გამარჯვებულების დაჯილდოების ცერემონია უკვე გაიმართა. შემოქმდებითი კავშირი საქართველოს თეატრალური საზოგადოების მიერ დაწესებული ყოველწლიური პრემია გიორგი ერისთავის სახელობის დრამატული თეატრის შემოქმედებითი ჯგუფის წევრებს სამ ნომინაციაში გადაეცათ.
„ნომინაციაში წლის საუკეთესო ახალგაზრდა მსახიობი ქალი, ჯილდო ქეთევან ლუარსაბიშვილს გადაეცა სპექტაკლში - „შეცვალე“ (რეჟისორი დავით ჩხარტიშვილი) განსახიერებული ალისას როლისთვის.
ნომინაცია წლის საუკეთესო ეპიზოდური ქალის როლი კი, მარიამ არღუთაშვილს სპექტაკლ „სადღეგრძელოში“ (რეჟისორი დავით ჩხარტიშვილი)ნათამაშევი პერსონაჟისთვის მიენიჭა. რაც შეეხება მესამე პრიზს, წლის საუკეთესო ორიგინალური მუსიკის შექმნისთვის აღიარება მერი ბეროშვილმა მოიპოვა, რომელმაც მუსიკალურად სპექტაკლი „შეცვალე” გააფორმა.
შეგახსენებთ, 176-ე შემოქმედებითი სეზონი ერისთავის სახელობის თეატრმა რამდენიმე დღის წინ, უფლისციხის მუზეუმ-ნაკრძალში საპრემიერო ჩვენებით გახსნა.
