გორის დედათა და ბავშვთა სამედიცინო ცენტრ „იავნანას“ ინტოქსიკაციის სიმპტომებით დღეს მხოლოდ 7-მა პაციენტმა მიმართა. კრიტიკული მედიცინის დეპარტამენტის ხელმძღვანელის, ლია ლაზარაძის ინფორმაციით, ყველა მათგანს სამედიცინო მომსახურება გაეწია გადაუდებელი დახმარების განყოფილებაში და აღნიშნულმა მოზარდებმა კლინიკა დატოვეს.
ლაზარაძის ინფორმაციითვე, გასული 3 დღის განმავლობაში, ,,იავნანას“ სტაციონარში გასტროინტესტინალური დარღვევებით მოთავსებული 25 პაციენტიდან დღეს კლინიკა დატოვა 22-მა. ამ დროისთვის, პედიატრიულ განყოფილებაში გასტროინტესტინალური დარღვევებით მხოლოდ 3 ბავშვი რჩება.
აქვე შეგახსენებთ, რომ ინტოქსიკაციის სიმპტომებით კლინიკაში მოხვედრილ მოზარდებს, სხვა კვლევებთან ერთად, ჩაუტარდათ ტესტირება კორონავირუსზეც და ყველა ტესტი უარყოფითია.
გორში ნალექია მოსალოდნელი ღამის 3-დან დილის 5 საათამდე და ასევე წვიმაა ნავარაუდევი 24 აგვისტოს დღის მეორე ნახევარში
ვიწყებთ „ქართული ოცნების“ მიზნებისა და ამოცანების საზოგადოებისთვის გაცნობას - მხოლოდ მშვიდობით, ღირსებით, კეთილდღეობით ევროპისკენ