შიდა ქართლიდან გაგზავნილი 186 ნიმუშიდან 6 დადასტურდა, - აღნიშნულის შესახებ შიდა ქართლის გუბერნატორის მოვალეობის შემსრულებელმა, სიმონ გულედანმა განაცხადა. გულედანის ინფორმაციით, ინფიცირების აღნიშნული ფაქტების კონტაქტები, ძირითადად, „ჯი პი სი“-ს აფთიაქის თანამშრომელს უკავშირდება.

„გუშინ გაგზავნილი 186 ნიმუშიდან 6 დადასტურებული შემთხვევა გვაქვს. ინფიცირების ამ 6 ფაქტიდან 2 არასრულწლოვანია. რაც შეეხება დაინფიცირების წყაროს, ძირითადად, „ჯი პი სი“-ს კოვიდინფიცირებული თანამშრომლის კონტაქტებს უკავშირდება. ყველა აღნიშნული პირი იმყოფებოდა თვითიზოლაციაში. გრძელდება ეპიდ.კვლევა და დამატებით მოხდება ნიმუშების გაგზავნა“, - განაცხადა სიმონ გულედანმა.