საზოგადოება
25.09.2020 13:00
გორის მუნიციპალიტეტში კოვიდ 19-ით ინფიცირების ორი ახალი შემთხვევიდან ერთი პირი თვითიზოლაციაში იმყოფებოდა, მეორეს კი, ვირუსი კლინიკაში დაუდასტურდა
გორის მუნიციპალიტეტში გვაქვს კორონავირუსის 2 ახალი შემთხვევა, - ამის შესახებ შიდა ქართლის გუბერნატორის მოვალეობის შემსრულებელმა სიმონ გულედანმა განაცხადა.
გულედანის ინფორმაციით, ორივე პირი გადაყვანილია კოვიდკლინიკაში და მიმდიარეობს ეპიდ.კვლევები.
„ბოლო დღე-ღამის განმავლობაში, საქართველოში დადასტურებული 265 შემთხვევიდან კოვიდინფექციის ორი დადასტურებული ფაქტი გორის მუნიციპალიტეტში გვაქვს. ინფიცირებულთაგან ერთი თვითიზოლაციაში იმყოფებოდა, მეორეს კი - ვირუსული ინფექცია კლინიკაში პრევენციული ტესტირებისას დაუდასტურდა. ამ დროისთვის, ინტენსიურ რეჟიმში მიმდინარეობს ეპიდ.კვლევები, დგინდება ინფიცირებულებთან კონტაქტში მყოფი ყველა პირის ვინაობა და გატარდება შესაბამისი ღონისძიებები,“ - განაცხადა სიმონ გულედანმა.
