საქართველოში კორონავირუსის 265 ახალი შემთხვევა გამოვლინდა - ამის შესახებ ინფორმაცია მთავრობის მიერ სპეციალურად შექმნილ ვებ.გვერდზე - stopcov.ge - ცოტა ხნის წინ განახლდა.

stopcov.ge-ს ცნობით, ქვეყანაში კორონავირუსით ინფიცირების შემთხვევების რაოდენობა, ამ დროისთვის, 4664-ს შეადგენს. 

რაც შეეხება გამოჯანმრთელებულებს, მათი რაოდენობა 54-ით გაიზარდა და 1759 გახდა.

დღეის მონაცემებით, კარანტინის რეჟიმშია 5584 მოქალაქე, სტაციონარში კი, ექიმების მეთვალყურეობის ქვეშ 836 პირი იმყოფება.

ქვეყანაში კორონავირუსით 27 ადამიანი გარდაიცვალა.

ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.