გიორგი ერისთავის სახელობის დრამატული თეატრი, 176-ე შემოქმედებით სეზონს უფლისციხის მუზეუმ-ნაკრძალში გახსნის.   გორის თეატრი ძეგლთა დაცვისა და კულტურული მემკვიდრეობის დაცვის სააგენტოსთან ერთად, ერთგულ მაყურებელს საპრემიერო ჩვენებაზე 3 და 4 ოქტომბერს ეპატიჟება.

„იესოს საქმე“-ს (რეჟისორი მამუკა ტყემალაძე) განხილვა მუზეუმ-ნაკრძალის ტერიტორიაზე 20:00-ზე დაიწყება.   რაც შეეხება უშუალოდ სცენარის შინაარსს, ეს გახლავთ ფსიქოლოგიური ხასიათის სპექტაკლი, რომელიც ბიბლიურ სიუჟეტზეა აგებული და ქრისტეს ჯვარცმის საქმის იურიდიული დეტალების გარჩევას მოიცავს მოიცავს. წარმოდგენაში ორი მსახიობი - კახა ბერიძე და ზაზა ცარულაშვილი მონაწილეობს.  წარმოდგენა ერთმოქმედებიანია და 1 სთ და 10 წთ. გრძელდება.

წარმოდგენაზე დასასწრები ბილეთის ფასი 15 ლარია, ღირებულებაში, ასევე, შედის მაყურებელთა მგზავრობა და გიდთან ერთად უფლისციხის მუზეუმ-ნაკრძალის დათვალიერება. შექმნილი პანდემიური მდგომარეობიდან გამომდინარე, თეატრის ადმინისტრაცია მოგიწოდებთ, თქვენი და გარშემომყოფების უსაფრთხოებისთვის, მგზავრობისას თან იქონიოთ პირბადე.