საქართველოში ბოლო 24 საათში კორონავირუსისგან კიდევ ერთი პაციენტი გარდაიცვალა და მათი რაოდენობა 24-მდე გაიზარდა - ამის შესახებ ინფორმაცია მთავრობის მიერ სპეციალურად შექმნილ ვებ.გვერდზეა განთავსებული.

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, საქართველოში კორონავირუსით გარდაცვლილი 24-ე პაციენტი თბილისის ინფექციურ საავადმყოფოში მკურნალობდა მას მძიმე ფონური დაავადებები ჰქონდა.

შეგახსენებთ, რომ გასული 24 საათის განმავლობაში, საქართველოში კორონავირუსის 227 ახალი შემთხვევა გამოვლინდა, ხოლო გამოჯანმრთელდა 69 პაციენტი.

კარანტინის რეჟიმშია 5390 მოქალაქე, სტაციონარში, მედიკოსების მეთვალყურეობის ქვეშ კი 640 პაციენტი იმყოფება.

ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.