საზოგადოება
22.09.2020 16:41
საქართველოში კორონავირუსით 23-ე პაციენტი გარდაიცვალა
კორონავირუსით ინფიცირებული კიდევ ერთი პაციენტი გარდაიცვალა საქართველოში და ქვეყანაში კოვიდინფექციით გარდაცვლილთა რაოდენობა 23 გახდა.
დაავადებათა კონტროლის და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, აღნიშნული პაციენტის მდგომარეობა მძიმე იყო.
მისივე ინფორმაციით, პაციენტს მკურნალობა თბილისში, ერთ-ერთ კლინიკაში უტარდებოდა და იგი ოკუპირებული ტერიტორიიდან გადმოყვანილი მოქალაქე იყო.
შეგახსენებთ, ბოლო 24 საათის განმავლობაში, ქვეყანაში კორონავირუსის 218 ახალი შემთხვევა გამოვლინდა. ამ დროისთვის, ინფიცირების შემთხვევების რაოდენობა საქართველოში 3913-ს შეადგენს.
