საზოგადოება
17.08.2020 16:32
მომსახურება „ერთი ფანჯრის პრინციპით“ - გორის მუნიციპალიტეტში ახალი ელექტრონული სისტემა ოქტომბრიდან ამოქმედდება
ახალი ელექტრონული სისტემა, რომლის მეშვეობითაც მოქალაქეები და იურიდიული პირები მუნიციპალიტეტიდან მომსახურებას „ერთი ფანჯრის პრინციპით“ მიიღებენ, გორის მუნიციპალიტეტში ოქტომბრიდან ამოქმედდება.
გორის მუნიციპალიტეტის მერიაში აცხადებენ, რომ ახალი პროგრამის დანერგვის მიზნით მერიის თანამშრომლების გადამზადება მიმდინარეობს.
ტრენინგებს ბიზნეს-ანალიტიკოსი ირმა სეხნიაშვილი უძღვება.
ახალი ელექტრონული პლატფორმა პროექტის - „საქართველოს მუნიციპალიტეტებში ელექტრონული სერვისების დანერგვა და განვითარება“ ფარგლებში ინერგება.
პროექტს საქართველოს რეგიონული განვითარებისა და ინფრასტრუქტურის სამინისტროს და მსოფლიო ბანკის მხარდაჭერით თბილისის მერიის ა(ა)იპ მუნიციპალური სერვისების განვითარების სააგენტო (MSDA) ახორციელებს.
