17 წლის ჩათვლით ბავშვებისთვის 200-ლარიანი დახმარების მისაღებად სპეციალურ პორტალზე რეგისტრაციის გავლა უკვე შესაძლებელია. პორტალი ჯანდაცვის სამინისტროს ვებ.გვერდზე უკვე ამოქმედდა, თუმცა, დილიდან გარკვეული შეფერხებებით ფუნქციონირებს.

,,ხარვეზი პორტალზე ბევრი ადამიანის ერთდროულად შესვლამ გამოიწვია, ბოდიშს გიხდით შექმნილი შეფერხებისთვის. სპეციალისტები მუშაობენ და უმოკლეს დროში აღმოიფხვრება ტექნიკური პრობლემა“, - ნათქვამია ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ ახლახანს გავრცელებულ ინფორმაციაში.

რაც შეეხება დახმარების მიღების მსურველთა რეგისტრაციას - რე­გის­ტრა­ცი­ის შე­სა­ხებ შე­სა­ბა­მი­სი ინ­სტრუქ­ცია ხელ­მი­საწ­ვდო­მია ოკუ­პი­რე­ბუ­ლი ტე­რი­ტო­რი­ე­ბი­დან დევ­ნილ­თა, შრო­მის, ჯან­მრთე­ლო­ბი­სა და სო­ცი­ა­ლუ­რი დაც­ვის სა­მი­ნის­ტროს ვებ გვერ­დზე: www.moh.gov.ge და ელექტრო­ნულ პორ­ტალ­ზე -daxmareba.moh.gov.ge

„ელექტრო­ნულ პორ­ტალ­ზე უნდა გან­თავ­სდეს შემ­დე­გი სა­ხის ინ­ფორ­მა­ცია: ბავ­შვის სა­ხე­ლი, გვა­რი, და­ბა­დე­ბის თა­რი­ღი, პი­რა­დი ნო­მე­რი; მშობ­ლის/კა­ნო­ნი­ე­რი წარ­მო­მად­გენ­ლის სა­ხე­ლი, გვა­რი, პი­რა­დი ნო­მე­რი; მშობ­ლის/კა­ნო­ნი­ე­რი წარ­მო­მად­გენ­ლის სა­ხელ­ზე კო­მერ­ცი­ულ სა­ბან­კო და­წე­სე­ბუ­ლე­ბა­ში გახ­სნი­ლი სა­ბან­კო ან­გა­რი­შის რეკ­ვი­ზი­ტე­ბი (ბან­კის ან­გა­რი­შის ნო­მე­რი); სა­კონ­ტაქ­ტო მო­ბი­ლუ­რი, რო­მელ­ზეც მოკ­ლე ტექ­სტუ­რი შე­ტყო­ბი­ნე­ბე­ბის გაგ­ზავ­ნა მოხ­დე­ბა.

იმ შემ­თხვე­ვა­ში, თუ იუს­ტი­ცი­ის სა­მი­ნის­ტროს სერ­ვი­სე­ბის გან­ვი­თა­რე­ბის სა­ა­გენ­ტოს მიერ, ვერ ხდე­ბა ბავ­შვსა და მშო­ბელს შო­რის ურ­თერ­თკავ­ში­რის და­დას­ტუ­რე­ბა, მშო­ბელ­მა ელექტრო­ნულ პორ­ტალ­ზე ბავ­შვის და­ბა­დე­ბის მოწ­მო­ბა უნდა ატ­ვირ­თოს.

იმ შემთხვევაში, თუ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მიერ ვერ ხდება ბავშვსა და კანონიერ წარმომადგენელს შორის ურთიერთკავშირის დადასტურება, კანონიერმა წარმომადგენელმა ელექტრონულ პორტალზე მეურვედ/მზრუნველად დანიშვნის გადაწყვეტილება უნდა ატვირთოს.

იმ შემთხვევაში, თუ ფიზიკურ პირი ელექტრონულ პორტალზე რეგისტრაციის გავლას ვერ ახერხებს, უნდა მიმართოს: სსიპ სოციალური მომსახურების სააგენტოს ნებისმიერ ტერიტორიულ ერთეულს, საქართველოს იუსტიციის სამინისტროს იუსტიციის სახლებს და საზოგადოებრივ ცენტრებს, „ლიბერთი ბანკის“ ფილიალებს“, - ნათქვამია უწყების მიერ გავრცელებულ ინფორმაციაში.

შე­სა­ბა­მი­სი დო­კუ­მენ­ტა­ცი­ის ატ­ვირ­თვა 24 სა­ა­თის გან­მავ­ლო­ბა­შია შე­საძ­ლე­ბე­ლი. სა­მი­ნის­ტროს გან­მარ­ტე­ბით, და­მა­ტე­ბი­თი ინ­ფორ­მა­ცი­ის მი­ღე­ბა შე­საძ­ლე­ბე­ლია ჯან­დაც­ვის სა­მი­ნის­ტროს ცხელ ხაზ­ზე - 1505.

ცნობისთვის, აღნიშნული დახმარება ელექტრონულ პორტალზე განცხადების შევსების შემდეგ გაიცემა. 0-დან 17 წლის ჩათვლით ბავშვებისთვის 200-ლარიანი დახმარების მისაღებად, მშობლებს რეგისტრაციის გავლა 15 აგვისტოდან პირველ დეკემბრამდე შეუძლიათ. დახმარების მიღება კი, შესაძლებელი იქნება მიმდინარე წლის სექტემბრიდან.