მთავრობის მიერ შექმნილ სპეციალურ ვებ-გვერდზე - stopcov.ge-ზე გამოქვეყნებული ინფორმაციის თანახმად, კოვიდ 19-ის თხუთმეტი ახალი შემთხვევა დადასტურდა საქართველოში. გამოჯანმრთელებულთა რიცხვი კი 12-ით გაიზარდა.

ამ დროისთვის, ინფიცირებულთა საერთო რაოდენობაა 1197, გამოჯანმრთელებულია 974 პაციენტი.

კარანტინის რეჟიმში იმყოფება 7066  ადამიანი, სტაციონარში მეთვალყურეობის ქვეშ კი 294 პირია.

კორონავირუსის შედეგად საქართველოში 17 პაციენტი გარდაიცვალა.