ხიდი ხიდისთავი-ატენი-ბოშურის საავტობილო გზის მე-3 კილომეტრზე (მდ. ათრევა) ახალი ხიდი მოეწყობა.

დაგეგმილი სამუშაოების შესახებ დეტალური ინფორმაცია ადგილობრივ მოსახლეობას რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის წარმომადგენლებმა უკვე მიაწოდეს. ატენში გამართულ სკოპინგის (სტრატეგიული გარემოსდაცვითი შეფასების ანგარიში) განხილვას, სამინისტროს თანამშრომლებთან ერთად, გორის მუნიციპალიტეტის მერი, კონსტანტინე თავზარაშვილიც დაეწსრო.

GMnews-ის ინფორმაციით, პროექტი ახალი ხიდის მშენებლობას გულისხმობს, რომლის სიგრძე 21,7 მ. ხოლო სიგანე - 9,85 მეტრი იქნება. როგორც ცნობილია, ამჟამად არსებული ხიდი ექსპლოატაციაშია, თუმცა, ფოლადის ყველა ელემენტი დაზიანებული, ამასთან  გამოფიტული და ჩამოშლილია ბურჯებიც.

პროექტს რეგიონული განვითარების და ინფრასტრუქტურის სამინისტროს საავტომობილო გზების დეპარტამენტი განახორციელებს.