საზოგადოება
26.07.2020 11:29
ერთიანი ეროვნული გამოცდების შედეგების გამოქვეყნება ეტაპობრივად, აგვისტოს პირველი ნახევრიდან დაიწყება
ერთიანი ეროვნული გამოცდების შედეგების გამოქვეყნება ეტაპობრივად, აგვისტოს პირველი ნახევრიდან დაიწყება. გამოცდებზე გასული აბიტურიენტები საკუთარი შედეგების ნახვას შეძლებენ შეფასებისა და გამოცდების ეროვნული ცენტრის ოფიციალურ გვერდებზე: www.naec.ge და www.online.naec.ge
ერთიან ეროვნულ გამოცდებზე რეგისტრირებული აბიტურიენტების 94% გამოცხადდა, სტუდენტთა საგრანტო კონკურსზე კი - 78%.
2020 წლის საგამოცდო პროცესი 6 ივლისს დაიწყო. საგამოცდო ცენტრები გაიხსნა ბათუმში, ფოთში, ზუგდიდში, ოზურგეთში, ქუთაისში, ახალციხეში, გორში, თბილისში, რუსთავში, თელავსა და ხულოში.
