ეროვნულ გამოცდებზე აბიტურიენტებს უამრავი გულშემატკივარი ახლავთ თან, შესაბამისად, ძალზე ხშირია ფრთიანი ფრაზები.

გთავაზობთ სახალისო ფრაზებს 2020 წლის ეროვნული გამოცდებიდან. აღნიშნული ფრაზები Edu.aris.ge-მ გამოაქვეყნა.

,,ვაიმე ტელეფონს თუ ართმევენ რამე რომ გაუჭირდეს, როგორ გამაგებინებს ბავშვი?“ - ფრთიანი ფრაზები 2020 წლის ეროვნული გამოცდებიდან

– „გამოცდა აქ ტარდება“?

– „აბა დილის 8 საათზე „საბირჟაოდ“ მოვედით?“

– „მოდი, პირჯვარი აიღე, წყალი გადაიწერე და შედი!“

მშობელი: „უკვე ჩამერთო ნერვები!“

- მშობელი დაცვას: შემოვალთ ჩრდილში

დაცვა: იქითაც ბევრი ჩრდილია ქალბატონო

მშობელი: აქედან უფრო კარგად ვნერვიულობ!

– „არსად არ მოიხსენიება ოქროს მედალი, არც ატესტატში, არც არსად, დადე სახლში და გქონდეს.“

– „ამან ისე კარგად ილაპარაკა, 70%-იან გრანტს აიღებს, უეჭველი!“

– „ვაიმე ტელეფონს თუ ართმევენ რამე რომ გაუჭირდეს, როგორ გამაგებინებს ბავშვი?“

– „თქვენ სახლში საერთოდ ლოცულობთ?“

– „იცით რას გეტყვით ქალბატონო, მე სახლში იერუსალიმიდან ჩამოტანილი სანთელი მაქვს!“

– „აუდიტორიაში რომ შეხვალ დამირეკე!“

– „ წერას რომ დავიწყებ მაშინ დაგირეკავ, მა!“

– „აბა ვინ იყო შერმადინი? ჟურნალისტი ხარ უნდა გახსოვდეს!“

– „ნანა, ამოიღე ერთი ის „პერაშკები!“

– „მაღაზია მასწავლეთ სადაა აქ, ბავშვი რომ გამოვა წვენი და მიწის თხილი უნდა დავახვედრო.“

– „რეპეტიტორები არიან ეშმაკები და ჭინკები, ყველა სკოლაში მუშაობს და არ ასწავლიან ბავშვებს, რომ შემდეგ ფული აიღონ!“

– „თქვენი შვილი როგორ სწავლობდა?“

– „რა ვიცი, როგორც ბიჭებს შეეფერებათ.“

გულშემატკივარი დისტანციით მოწყობილ აბიტურიენტებზე: „რა უბედურებაა ზონაა თუ სკოლა? თან კედლებზე ამდენი წარწერები!“

– „ჩემ უკან ისეთი სიმპატიური ბიჭი იჯდა, მომეღრიცა კისერი“.

– „ჩემი ბიჭი ძალიან სხვანაირია, ყველაფერი იცის, მაგრამ გამოხატვა არ უყვარს, ეხათრება. შევეხვეწე, გამოცდაზე მაინც ყველაფერი დაწერე, რაც იცი- მეთქი“.

აბიტურიენტი: „შუბლზე ის პისტოლეტი მომადეს და მერე შემიშვეს (გულისხმობს ტემპერატურის საზომ ხელსაწყოს).“

– “ქართულის გამოცდაზე ისეთი ლამაზი თეთრკაბიანი გოგონა იყო,არ შეგინიშნავს? ჩემი შვილისთვის მომეწონა, ისეთი მოკრძალებული და ლამაზი იყო, ვიფიქრე მივალ, გამოვკითხავ ვინაობას და სადაურობას – მეთქი, მაგრამ მამა დახვდა და ვერ გავბედე. მამაც ისეთი სიმპათიური იყო. ახლა ვათვალიერებ, იქნებ ისტორიის გამოცდაზე დავინახო.”

დაცვა მიმართავს გულშემატკივარს, რომ დაიშალონ და დისტანცია დაიცვან.

პასუხი: ,,ვიდგებით, ერთი კლასტერიდან ვართ!”

– „დედა შენი 31 ზარი დამხვდა ტელეფონზე, ხო იცოდი რო გამოცდაზე ვარ?!“

– „რავიცი, გირეკავდი მაინც“.

– „თქვენ გამოცდაზე ხართ?“

-„რაღა დროს ჩემი გამოცდაა, საცაა პენსია უნდა ავიღო“.

– „წამო მამი, კაი სალათა და თონის პური ჩემზე იყოს!“

– „ჟურნალისტი თუ ხართ კამერა რატომ არ გიჭირავთ? წერთ? მე არ გამიგია ჟურნალისტი წერდეს.“

– „რთული იყო?“

– „არც ისე, მაგრამ ძნელი იყო.“

– „გამოცდები იყო ჩვენ დროს, ახლა ამას ჰქვია მაიმუნობა!“

– „ჩემი შვილი ვაკე-საბურთალოს არ გასცდენია. გლდანში რას დაგვინიშნეს გამოცდა!“

მშობელი: „ამ გამოცდებზე ნერვიულობისაგან 5 კილო დავიკელი. აფსუს, მთავრდება, თორემ მოვასწრებდი კიდე ორ-სამ კილოს.“

გამოცდიდან გამოსული აბიტურიენტი: „ერიკ ემანუელ შმიდტის მოთხრობა შეგვხვდა.“

მშობელი მეორე მშობელს: „ვიღაცა ერიკასა და ემანუელას მოთხობები შეხვედრიათ.“