გორის მუნიციპალიტეტის სოფელ ძევერაში ცენტრალური გზიდან საბავშვო ბაღამდე მისასვლელი საავტომობილო გზის რეაბილიტაცია დასრულდა.

გორის მუნიციპალიტეტის მერიის ინფორმაციით, სამუშაოებისთვის 100 000 ლარი დაიხარჯა. პროექტის ფარგლებში, რეაბილიტაცია ჩაუტარდა გზის 342 მეტრიან მონაკვეთს, ამავდროულად, მოეწყო ეზოებში შესასვლელები.

„გზის აღნიშნულ მონაკვეთზე არ იყო ასფალტის საფარი და შესაბამისად, გზის არათანაბარი ზედაპირისა და ორმოულების გამო, როგორც მძღოლებს, ასევე ფეხით მოსიარულეებს პრობლემები ექმნებოდათ, განსაკუთრებით, უამინდობის დროს. სოფლის ცენტრალური გზიდან საბავშვო ბაღამდე მისასვლელი გზის მონაკვეთის რეაბილიტაციის შემდეგ კი, ადგილობრივ მოსახლეობას აღნიშნული პრობლემა აღარ შეაწუხებს“, - აცხადებენ გორის მუნიციპალიტეტის მერიაში.