დღეს, გორის თენგიზ ბურჯანაძის სახელობის სტადიონზე, ეროვნული ლიგის მეხუთე ტურის მატჩში, გორის ,,დილა“ თბილისის ,,მერანს“ უმასპინძლებს.

,,დილა“ მიმდინარე სეზონში დაუმარცხებელია და სავარაუდოდ არც ამჯერად უნდა წააგოს. მეტიც, რადგან ,,მერანი“ აუტსაიდერთა შორისაა და თანაც, თამაში გორშია – ,,დილა“ გამარჯვებისთვის იბრძოლებს.

,,მერანს“ განვლილ 4 ტურში 3–ჯერ აქვს შეხვედრა ფრედ დასრულებული და მხოლოდ 1 შეხვედრაში იწვნია მარცხი. დღეისათვის, სატურნირო ცხრილში თბილისელები მეცხრე ადგილზე არიან.

სატურნირო ცხრილში მეორე ადგილზე ხვდება ამ დაპირისპირებას გორის ,,დილა“, რომელიც 2 მოგებულ და ამდენივე ფრედ დასრულებულ პაექრობაში მოპოვებული 8 ქულით იწონებს თავს.

თამაში 21 საათზე დაიწყება. სტადიონზე მაყურებელი ჯერჯერობით ისევ არ დაიშვება. გულშემატკივრები კი სატელევიზიო რეპორტაჟის ყურებას ,,სილქ უნივერსალსა“ და ეროვნული ლიგის ვებ–გვერდზე შეძლებენ.