გორის ციხის  ჩრდილოეთ ფერდობზე გალაკტიონის ხეივანი გაიხსნება. იდეა გორის მუნიციპალიტეტის კულტურისა და ტურიზმის განვითარების ხელშეწყობის სააგენტოს მწერალთა სახლის ხელმძღვანელს ეკუთვნის. მარინა ჯალიაშვილი ამბობს, რომ აღნიშნული ინიციატივა ჯერ კიდევ 1964 წელს, გალაკტიონ ტაბიძის გარდაცვალებიდან ხუთი წლის შემდეგ დაიბადა და მწერალმა ჯემალ ინჯიამ იმჟამინდელ ქალაქკომსაც მიმართა, რომ  ქუჩის იმ მონაკვეთისთვის, სადაც კარალეთის სკოლაში მოღვაწეობის პერიოდში, ცნობილი პოეტი ყოველდღე დადიოდა,  გალაკტიონის სახელი მიენიჭებინათ.

მაშინდელი ინიციატივა 55 წლის შემდეგ,  „გორის დღე 2019“-ის ფარგლებში განხორციელდა.