საქართველოის ფეხბურთის ფედერაციის გადაწყვეტილებით, ეროვნული ჩემპიონატის თამაშები 25 ივნისს განახლდება, თუმცა, ამ დროისთვის საუბარი არ არის ლიგა 3/4-ის შეხვედრების განახლებაზე.

საფეხბურთო კლუბ „გორის“ ხელმძღვანელი, გია ისიანი GMnews-თან საუბრისას ამბობს, რომ ამ დროისთვის ზოგადი მონახაზი არ არის, თუ როდის განახლდება თამაშები. „ამ ეტაპზე არ არის კონკრეტული გადაწყვეტილებები მიღებული ლიგა 3/4-ის თამაშების განახლებაზე. რაც ზუსტად ვიცით ისაა, რომ ეროვნული ლიგა ჩემპიონატს 25 ივნისიდან განაახლებს და ალბათ, მოვლენებიდან გამომდინარე გადაწყდება შემდგომი ნაბიჯები. ჩემი ვარაუდით, ივლისის შუა რიცხვებიდან განახლდება თამაშები, მაგრამ დაზუსტებით ვერაფერს გეტყვით. ყველაფეერი ჯანდაცვის სამინისტროს რეკომენდაციებზეა დამოკიდებული“, - აღნიშნა გია ისიანმა.

შეგახსენებთ, რომ ეროვნული ლიგა 3/4-ის მხოლოდ ერთი ტურის შეხვედრები გაიმართა, რომლის შედეგების მიხედვითაც, გორის „გორი“ სატურნირო ცხრილში 1 ქულით მესამე ადგილზეა.