საქართველოში კორონავირუსის კიდევ ექვსი ახალი შემთხვევა გამოვლინდა. ამის შესახებ ინფორმაცია მთავრობის მიერ შექმნილ სპეციალურ ვებ.გვერდზე, stopcov.ge-ზე ცოტა ხნის წინ განახლდა.

რესპუბლიკური კლინიკის დირექტორის, ლევან გოფოძის ინფორმაციით, 6-ვე ახალი დადებითი პასუხი მათი კლინიკიდან გაგზავნილი პაციენტების ტესტებიდან მიიღეს. „ინფიცირების წყაროების ნაწილი ცნობილია, რაც შეეხება ახლად დადასტურებულ შემთხვევებს, მათგან ინფიცირების რამდენიმე წყაროს მოძიება მიმდინარეობს“, - განაცხადა ლევან გოფოძემ.

ბოლო ორი დღის განმავლობაში ქვეყანაში 15 ახალი შემთხვევა გამოვლინდა და საერთო ჯამში, ამ დროისთვის საქართველოში კორონავირუსის 843 შემთხვევაა დადასტურებული, მათ შორის გამოჯანმრთელებულია 697 მოქალაქე.

კარანტინის რეჟიმში 3 026 მოქალაქე იმყოფება, ხოლო სტაციონარში მეთვალყურეობის ქვეშ – 297.

ახალი კორონავირუსის შედეგად, ქვეყანაში 13 პაციენტი გარდაიცვალა.