გორის მუნიციპალიტეტის სოფელ შინდისში სასმელი წყლის სისტემის მოწყობის სამუშაოები ხორციელდება.

სოფლის ერთ-ერთ უბანში მიმდინარე სამუშოებს გორის მუნიციპალიტეტის მერი კონსტანტინე თავზარაშვილი ადგილზე გაეცნო და მშენებელი კომპანიის წარმომადგენლებს გაესაუბრა.

შინდისში, ე.წ. „ნახალოვკის“ უბანში მცხოვრებ 120-მდე ოჯახს, სოფლის სხვა დანარჩენი უბნებისგან განსხვავებით, დღემდე სასმელი წყალი შეფერხებით მიეწოდებოდა. როგორც გორის მუნიციპალიტეტის მერიაში ამბობენ, მიმდინარე პროექტის დასრულების შემდეგ აღნიშნული უბნის მაცხოვრებლებს სასმელი წყლის პრობლემა მოუგვარდებათ და წყალს შეუფერხებლად მიიღებენ.

პროექტის ფარგლებში გათვალისწინებულია როგორც ჭაბურღილის, ასევე, საქლორატოროს, წყალსადაწნეო კოშკისა და სანიტარული ზონის მოწყობაც. ამასთან, აღნიშნული პროექტი ინდივიდუალური მრიცხველების დამონტაჟებასაც გულისხმობს. შესაბამისი სამუშაოების ჩასატარებლად 474 474 ლარი გაიხარჯება.