შიდა ტურიზმის მიმართულებით მაგრად უნდა ვიმუშაოთ, 15 ივნისიდან ეს სექტორი გაიხსნება და პირველ რიგში ქართველებმა უნდა ვიმოგზაუროთ საქართველოში, - ამის შესახებ პრემიერ-მინისტრმა საოკუპაციო ხაზთან მდებარე სოფელ ნიქოზში სტუმრობისას განაცხადა.

პრემიერ-მინისტრის თქმით, საქართველოში ძალიან ბევრი ადგილია, რომელიც ჯერ არ გვინახავს და ვალდებულები ვართ, დავათვალიეროთ ისინი.

„შიდა ტურიზმის მიმართულებით მაგრად უნდა ვიმუშაოთ, 15 ივნისიდან ეს ყველაფერი გაიხსნება და ქართველებმა უნდა ვიმოგზაუროთ პირველ რიგში საქართველოში. იმდენი ადგილია, რაც არ გვინახავს, სირცხვილია. გვაქვს ამის შესაძლებლობა ახლა და მოდით მოვიაროთ მთელი საქართველო და ვნახოთ ყველა ის კუთხე, რომელიც იმსახურებს ისტორიულადაც და ვალდებულები ვართ, რომ ჩვენც ვნახოთ, ჩვენს შვილებს ვანახოთ და შემდგომ უკეთესად მოვემზადოთ იმისთვის, რომ კიდევ უფრო ეფექტურად, კარგად და ხალისიანად დავხვდეთ უცხოელ სტუმრებს“, - აღნიშნა გიორგი გხარიამ.