25 წლის გორელი ფეხბურთელი ლევან ნონიკაშვილი თბილისის ,,საბურთალოში“ გააგრძელებს კარიერას.

ნონიკაშვილი გორის საფეხბურთო სკოლის მიერ აღზრდილი ახალი თაობის ერთ–ერთი ყველაზე უფრო გამორჩეული წარმომადგენელია. ის წლების მანძილზე გორის ,,დილაში“ ასპარეზობდა და ერთ–ერთი წამყვანი მოთამაშეც იყო. ერთხანს იგი გუნდის კაპიტანიც გახლდათ.

შარშან, ნონიკაშვილი საჩხერის ,,ჩიხურაში“ გადავიდა, ახლა კი ,,საბურთალოს“ ფორმა მოირგო.

ლევანისთვის ეს ტრანსფერი წინსვლად უნდა ჩაითვალოს, რადგან ,,საბურთალო“ ტიტულოვანი კლუბია და მიმდინარე საფეხბურთო სეზონშიც მაღალი მიზნებისთვის ბრძოლა აქვს დასახული.

ეს გუნდი 2020 წლის საფეხბურთო ჩემპიონატში გამართული 2 ტურის შემდეგ 4 ქულას ფლობს და სატურნირო ცხრილში გორის ,,დილასთან“ ერთად II-III ადგილებს იყოფს.