„თუ ჩვენ გვექნა კოვიდინფექციის მეორე ტალღა, ჯარიმების აბსოლუტური ჩამოწერა ცუდი სტიმული იქნება ადამიანებისთვის, რომლებიც შეიძლება იყვნენ დამრღვევები, თუმცა, ძალიან მნიშვნელოვანია, რომ 3 ათასი ლარის გადახდა, ალბათ, 90%-სთვის შეუძლებელია. აქედან გამომდინარე, რაღაც შუალედური გადაწყვეტილება უნდა მოვიფიქროთ. მე ინიციატივას გავახმოვანებ ჩემს გამოსვლაში, რომ უკვე არსებული ჯარიმების შემსუბუქება მოხდეს, თუმცა შემსუბუქების ფარგლებიც უნდა განვსაზღვროთ, რათა ერთი მხრივ, არ დავაზიანოთ პრევენციული თვალსაზრისით ჯარიმის მიზანი, სექტემბერ-ნოემბერში ადამიანებმა არ იფიქრონ, რომ თუ ვინმე დააჯარიმეს, ეს მაინც მოეხსნებათ. ეს დაუშვებელია, თუმცა უნდა ვიფიქროთ მაგალითად, სოციალურად დაუცველ ადამიანებზე, რომ მათ სიმბოლურამდე დაყვანილი თანხა გადავახდევინოთ ამ ჯარიმებიდან,“ – განაცხადა მდინარაძემ.