„სოფელ ქერეში, ამჟამად, სანიაღვრე სისტემის მოწყობა მიმდინარეობს. პროექტის ფარგლებში უკვე მოასფალტდა 1 კილომეტრამდე სიგრძის სოფლის შიდა გზა, რომლის სამუშაოების ღირებულებაც 556 995 ლარია, ასევე, მოგვარდა გზის, წყლისა და გარეგანათების პრობლემები. უახლოეს მომავალში კი, მუნიციპალური განვითარების ფონდის მიერ, ქერეში დაგეგმილია ახალი სკოლის მშენებლობა. შენობის ასაშენებლად საჭირო ფართი გორის მუნიციპალიტეტის მერიამ უკვე გამოყო. ინფორმაციისთვის გეტყვით, რომ დღემდე, სოფელში მცხოვრები 60 მოსწავლე მეზობელი სოფლის სკოლაში სწავლობს. ქერეს სკოლის ძველი შენობა ექსპერტთა დასკვნის საფუძველზე, გასული სასწავლო წლის დასაწყისში დაიკეტა“, - აცხადებენ გორის მუნიციპალიტეტის მერიაში.