2019 წლის 1-ლი ნოემბრიდან, თავდაცვის სამინისტროში დაგეგმილი სიახლეების ფარგლებში, ჯარისკაცების ანაზღაურება 100-დან 500 ლარამდე, წოდებების მიხედვით გაიზრდება - ინფორმაციას საქართველოს თავდაცვის სამინისტრო ავრცელებს.
უწყების ხელმძღვანელის ირაკლი ღარიბაშვილის ინფორმაციით, სახელფასო ანაზღაურების მატება 2020 წლის 1-ლი იანვრიდან იყო დაგეგმილი, თუმცა ბიუჯეტის გადაგეგმარება აუთვისებელი თანხების ხარჯზე მოხდა და პროცესი მიმდინარე წლის 1-ლი ნოემბრიდან დაიწყება. „ჯარის საცხოვრებელი პირობების გაუმჯობესება, უკეთესი სამედიცინო დაზღვევა, გაუმჯობესებული კვება, ხარისხიანი სამხედრო ფორმა და ფეხსაცმელი სამინისტროს პრიორიტეტებია. ჩვენი ამოცანები ჯარისკაცებზე ზრუნვასა და ქვეყნის თავდაცვისუნარიანობის გაზრდას ეფუძნება“ - აღნიშნა საქართველოს თავდაცვის მინისტრმა ირაკლი ღარიბაშვილმა.
გორში ნალექია მოსალოდნელი ღამის 3-დან დილის 5 საათამდე და ასევე წვიმაა ნავარაუდევი 24 აგვისტოს დღის მეორე ნახევარში
ვიწყებთ „ქართული ოცნების“ მიზნებისა და ამოცანების საზოგადოებისთვის გაცნობას - მხოლოდ მშვიდობით, ღირსებით, კეთილდღეობით ევროპისკენ