საქართველოში კორონავირუსით ინფიცირების შემთხვევების რაოდენობა 623-მდე გაიზარდა, - აღნიშნულ ინფორმაციას მთავრობის მიერ შექმნილი სპეციალური ვებ.გვერდი stopcov.ge ავრცელებს.

აღსანიშნავია, რომ covid 19-სგან გამოჯანმრთელება კიდევ 13-მა პაციენტმა შეძლო და საერთო ჯამში, საქართველოში, დღევანდელი მონაცემებით, კორონავირუსისგან 288 პაციენტი განიკურნა.

ვებ.გვერდის ცნობით, კარანტინის რეჟიმშია 4723 ადამიანი, ხოლო სტაციონარში მეთვალყურეობის ქვეშ - 446 პირი.

ინფორმაციისთვის, საქართველოში კორონავირუსით 9 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე. ბოლო 24 საათის განმავლობაში ინფიცირების 8, ხოლო გამოჯანმრთელების 13 შემთხვევა დაფიქსირდა.