საზოგადოება
07.05.2020 09:09
stopcov.ge-ს ინფორმაციით, ბოლო 24 საათში საქართველოში Covid 19-ის ახალი შემთხვევები არ დაფიქსირებულა
ახალი კორონავირუსით ინფიცირებულთა რაოდენობა საქართველოში კვლავ 610 შემთხვევაა.
მთავრობის მიერ შექმნილი სპეციალური ვებგვერდის - stopcov.ge-ს ინფორმაციით, ბოლო დღე-ღამის განმავლობაში, ინფიცირებულთა რაოდენობა გაზრდილი არ არის. რამდენიმე ერთეულითაა შემცირებული კარანტინსა და სტაციონარული მეთვალყურეობის ქვეშ მყოფ პირთა რაოდენობაც.
ამ დროისთვის არსებული ოფიციალური მონაცემებით, კარანტინის რეჟიმში რჩება 5002 ადამიანი, სტაციონარული მეთვალყურეობის ქვეშ იმყოფება 485 პაციენტი.
გარდაცვლილია 9 ინფიცირებული. ინფიცირებულთა საერთო რაოდენობიდან გამოჯანმრთელებულია 269 პაციენტი.
