კონფლიქტები
03.05.2020 10:31
ხურვალეთში, მავთულხლართების მიღმა მცხოვრები დათა ვანიშვილის შვილიშვილი და რძალი ცხინვალის იზოლატორიდან გაათავისუფლეს
ხურვალეთის განაპირას, მავთულხლართების მიღმა მცხოვრები დათა ვანიშვილის შვილიშვილი და რძალი დე ფაქტო რეჟიმის წარმომადგენლებმა ორკვირიანი უკანონო პატიმრობიდან გაათავისუფლეს.
საოკუპაციო რეჟიმის წარმომადგენლები ვანიშვილებთან 17 აპრილს მივიდნენ, მოტივად სამედიცინო გადამოწმება დაასახელეს, რა დროსაც განაცხადეს, რომ დათა ვანიშვილის შვილიშვილს, ახალგაზრდა მამაკაცს ტემპერატურა აღენიშნებოდა და კარანტინს ექვემდებარებოდა, ამ მოტივით იგი ცხინვალში გადაიყვანეს. მეორე დღეს კი ორკვირიან კარანტინში გადაიყვანეს მალხაზ ვანიშვილის მეუღლეც, მიზეზად კი პრევენციული ღონისძიებები დაასახელეს.
ახალგაზრდა ცოლ-ქმარმა ცხინვალი უკვე დატოვა. ორივე მათგანი შინ, სოფელ ხურვალეთში, მავთულხლართების მიღმა მდებარე სახლში იმყოფება.
