საზოგადოება
25.04.2020 08:33
გიორგი გახარია - ყველა ფიზიკური და იურიდიულ პირი 2020 წლის სამელიორაციო გადასახადისგან თავისუფლდება
ყველა ფიზიკურ და იურიდიულ პირს 2012 წლიდან სარწყავი წყლის დაგროვილი დავალიანება ჩამოეწერება, - ამის შესახებ საქართველოს პრემიერ-მინისტრმა განაცხადა.
გიორგი გახარიას თქმით, აღნიშნული პირები სამელიორაციო გადასახადისგან მთელი 2020 წლის განმავლობაში გათავისუფლდებიან.
„სამელიორაციო საქმიანობის მხარდაჭერისთვის, ჩვენ მივიღეთ გადაწყვეტილება, 2012 წლის შემდეგ ყველა - ფიზიკური თუ იურიდიული პირის სარწყავი წყლის დაგროვილი გადასახადი იყოს გაუქმებული, ჩამოეწეროს, როგორც ფიზიკურ, ასევე იურიდიულ პირს და ასევე, 2020 წლის სამელიორაციო საფასურისგან სრულად განთავისუფლდება, როგორც ფიზიკური, ისე იურიდიული პირი“, - განაცხადა გახარიამ.
