საქართველოში კორონავირუსისგან 105 ადამიანი განიკურნა, ინფიცირებულთა რაოდენობა კი 416-მდე გაიზარდა - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

„დღეს დილით გვქონდა 411 დადასტურებული შემთხვევა, დღის განმავლობაში უკვე დამატებულია ხუთი შემთხვევა. მათი უმრავლესობა უკვე დადასტურებული ინფიცირებული შემთხვევების კონტაქტებს წარმოადგენს და დაწყებულია მათი ეპიდკვლევა. ქვეყანაში გვყავს 107 გამოჯანმრთელებული პაცინტი და სამწუხაროდ, დადასტურებულია გარდაცვალების ხუთი შემთხვევა“, – განაცხადა ამირან გამყრელიძემ.

კარანტინის რეჟიმში რჩება 5160, ხოლო სტაციონარში მეთვალყურეობის ქვეშ 579 პირი. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.