საზოგადოება
17.04.2020 11:31
ავტომობილების მოძრაობის აკრძალვამდე ცოტა ხნით ადრე, გორის ქუჩებში საცობებია
ქვეყნის მასშტაბით მსუბუქი ავტომობილების მოძრაობის აკრძალვამდე ცოტა ხნით ადრე, სატრანსპორტო საშუალებების განსაკუთრებული სიმრავლე შეინიშნება გორის ქუჩებში. ამ დროისთვის, ქალაქის თითქმის ყველა ცენტრალური ქუჩის საავტომობილო მონაკვეთზე საცობია.
ავტომობილების გადაადგილების აკრძალვა 21 აპრილის ჩათვლით გაგრძელდება.
შეზღუდვა ეხება ტაქსების გადაადგილებასაც.
რაც შეეხება სხვა სახის მექანიკური სატრანსპორტო საშუალებებით მოძრაობას, არ იკრძალება მოტოციკლით, მოპედით და ველოსიპედით გადაადგილება.
აკრძალვა არ ვრცელდება ტვირთების გადაზიდვასა და დისტრიბუციის მანქანებზეც. განსაკუთრებულად აუცილებელ შემთხვევაში, პირებს და კომპანიებსა შეუძლიათ ისარგებლონ მთავრობის ცხელი ხაზით - 144.
