საზოგადოება
10.04.2020 13:00
გორისა და მუნიციპალიტეტის სოფლების ქუჩების სადეზინფექციო სამუშაოები მთელი ღამის განმავლობაში მიმდინარეობდა
კორონავირუსის გავრცელების პრევენციის მიზნით, გორის ქუჩებში მასშტაბური სადეზინფექციო სამუშაოები განხორციელდა. გორის მუნიციპალიტეტის კეთილმოწყობის სააგენტოს სპეც.ტექნიკით, სადეზინფექციო ხსნარით მოირეცხა ქალაქის ქუჩები და გორის მუნიციპალიტეტის სოფლების ცენტრალური გზები.
როგორც გორის მერიაში აცხადებენ, მოქალაქეთა უსაფრთხოების მიზნით, სადეზინფექციო ღონისძიებები მომავალშიც გაგრძელდება.
შეგახსენებთ, რომ გორის მუნიციპალიტეტში როგორც ქუჩების, ასევე სკვერების, გასართობი სივრცეების, მიწისქვეშა გადასასვლელებისა და ადმინისტრაციული შენობების დეზინფექცია ეტაპობრივად ხორციელდება.
