„ქართული წარმოების პირბადეები სარეალიზაციუდ უკვე გავუშვით სააფთიაქო ქსელებში. დაახლოებით 2 დღეში, ეს პროდუქცია მთელი საქართველოს მასშტაბით წამყვან სააფთიაქო ქსელებში გადანაწილდება. საუბარი გვაქვს წამყვან სააფთიაქო ქსელებზე: ავერსი, ჯი-პი-სი, პსპ და ფარმადეპო - ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების გადანაწილება. რაც შეეხება ფასებს - იცით, რომ სახელმწიფო და ჩვენი სამინისტრო ახდენს ნედლეულის მობილიზებას. მიუხედავად იმისა, რომ მთელი რიგი სამკერვალო კომპანიები უსასყიდლოდ გვიკერავენ პირბადეებს, ნედლეულის ღირებულებიდან გამომდინარე, სახელმწიფოს 1 პირბადის შეკერვა უჯდება 1 ლარზე მეტი. იქიდან გამომდინარე, რომ გვინდა, ჩვენი პირბადე რაც შეიძლება ხელმისაწვდომი გახდეს მოსახლეობისთვის, მივიღეთ გადაწყვეტილება, თითო გაიყიდოს 50 თეთრად,“ - განაცხადა თურნავამ.

 

ეკონომიკის მინისტრის ინფორმაციით, საქართველოში წარმოებული პირბადეების გაყიდვაზე ლიმიტი დაწესდება და მოქალაქეს ერთ ჯერზე 3 პირბადის შეძენა შეეძლება. თურნავას განმარტებით, პირბადეებით ბაზრის გაჯერების შესაბამისად, შესაძლოა, ლიმიტი მოიხსნას.