საგანგებო მდგომარეობის გამკაცრებული პირობების დაცვასა და თვითიზოლაციაში მყოფი პირების მხრიდან რეკომენდაციების შესრულებაზე შიდა ქართლში მკაცრი მონიტორინგი მიმდინარეობს, - განაცხადა მხარის რწმუნებულმა. გიგი ხოჯევანიშვილის ინფორმაციით, მკვეთრად შემცირდა დამრღვევთა რაოდენობა.

,,სხვადასხვა უწყების ერთობლივი ჩართულობით, კვლავ გრძელდება მკაცრი მონიტორინგი საგანგებო მდგომარეობის გამკაცრებული პირობების დაცვასა და თვითიზოლაციაში მყოფი პირების მხრიდან რეკომენდაციების შესრულებაზე. ბოლო ერთი დღის განმავლობაში ძალზე შემცირდა დამრღვევთა რაოდენობა, სულ რამდენიმე ერთეული შემთხვევა დაფიქსირდა და ყველა ფაქტზე მკაცრი რეაგირება მოხდა. რაც შეეხება ე.წ. ცხელების ცენტრებს, არცერთი საეჭვო შემთხვევა ლაბორატორიულად არ დადასტურდა, რამდენიმე პირი რჩება მეთვალყურეობის ქვეშ“, - განაცხადა მხარის რწმუნებულმა.