რევოლუციური მაზრის კომიტეტის მიერ ხელმოწერილი იურიდიული აქტი გორის ადგილობრივ არქივში დაცულ უძველეს ცნობას წარმოადგენს. დაწესებულების სპეციალისტების თქმით, ორგანიზაციის საცავში ორი ტიპის დოკუმენტაცია - არქივის პირადი შემადგენლობა (ანუ საცნობარო) და მუდმივად შესანახი დოკუმენტებია განთავსებული. აქედან, 61000-ზე მეტი ცნობა მუდმივად შესანახია. სხვადასხვა პერიოდში წარმოებული 56000-მდე საბუთი კი, შესანახი ვადის (75 წელი) ამოწურვის შემდეგ განადგურებას დაექვემდებარება.

ცნობისთვის, გორის ადგილობრივი არქივის შენობა თამარ მეფის ქუჩის 47 ნომერშია განთავსებული და დაინტერესებულ პირებს 1967 წლიდან ემსახურება.