რეგიონი
08.10.2019 16:28
წინარეხი, კოდისწყარო და ქვემო გომი - კასპის მუნიციპალიტეტში 3 ახალი სკოლა შენდება
კასპის მუნიციპალიტეტში კიდევ ერთი საჯარო სკოლის მშენებლობას ჩაეყარა საფუძველი, ინფორმაციას კასპის მუნიციპალიტეტის მერია ავრცელებს. პრესსამსახურის ცნობით, სოფელ წინარეხში 60 მოსწავლეზე გათვლილი საჯარო სკოლის სამშენებლო სამუშაოები დაიწყო. სამშენებლო სამუშაოებს ტენდერში გამარჯვებული კომპანია შპს „ჯავა“ ახორციელებს, პროექტს კი, მუნიციპალური განვითარების ფონდი აფინანსებს.
სოფელ წინარეხში ამჟამად მოქმედი სკოლა 1882 წელს, საქართველოში წერა-კითხვის გამავრცელებელმა საზოგადოებამ დააარსა. ამ დროისთვის, სკოლის შენობას კულტურული მემკვიდრეობის უძრავი ძეგლის სტატუსი აქვს მინიჭებული.
მიმდინარე წელს კასპის მუნიციპალიტეტში კიდევ ორი ახალი სკოლის მშნებელობაა გათვალისწინებული - უკვე მიმდინარეობს სოფელ კოდისწყაროს საჯარო სკოლის მშენებლობა, სოფელ ქვემო გომში კი, შესაბამისი სამუშაოები მალე დაიწყება.
