დღეიდან, საქართველოს ქალაქებს შორის მგზავრობა მხოლოდ მანქანით და 06:00 საათიდან 21:00 საათის პერიოდშია ნებადართული. აღნიშნული აკრძალვა ქვეყანაში გამოცხადებული საყოველთაო კარანტინის ფარგლებში დაწესდა.

საქართველოს ვიცე-პრემიერის, მაია ცქიტიშვილის განცხადებით, ერთი ქალაქიდან მეორეში გამგზავრება დასაშვებია მხოლოდ პირადი მანქანით ან ტაქსით იმ პირობით, თუ მანქანაში3 ადამიანი იქნება. „დასაშვებია დილის 06:00 საათიდან საღამოს 21:00 საათამდე ნებისმიერ სახის პირადი მანქანით ან ტაქსით გადაადგილება იმ პირობით, რომ მანქანაში არ უნდა იყოს 3 მგზავრზე მეტი, ამასთან, ნებადართულია სატვირთო მოძრაობა“, - განაცხადა რეგიონული განვითარებისა და ინფრასტრუქტურის მინისტმა.