ცნობილი გახდა ერთი წლით გადავადებული ტოკიოს ოლიმპიური თამაშების ჩატარების ზუსტი თარიღი.

საერთაშორისო ოლიმპიურმა კომიტეტმა (IOC), საერთაშორისო პარალიმპურმა კომიტეტმა (IPC), ტოკიო-2020-ის საორგანიზაციო კომიტეტმა და იაპონიის მთავრობამ დღეს XXXII ოლიმპიური თამაშების ახალი თარიღები შეათანხმეს.

თამაშები გაიმართება 2021 წლის 23 ივლისიდან 8 აგვისტოს ჩათვლით. შეთანხმებულია პარალიმპური თამაშების ახალი თარიღიც - 24 აგვისტო - 5 სექტემბერი.

შეგახსენებთ, რომ კორონავირუსის პანდემიის მასშტაბების და მისი შეჩერების ღონისძიებების გათვალისწინებით, იაპონიის ხელისუფლებამ და საერთაშორისო ოლიმპიურმა მოძრაობამ ტოკიოს XXXII ოლიმპიური თამაშების გადავადების თაობაზე 24 მარტს გააკეთა განცხადება, მისი გამართვის ზუსტი თარიღი კი დღეს გამოცხადდა.