სამართალი
28.03.2020 19:13
გორში, ლიახვის ხიდთან მამაკაცის ცხედარი იპოვეს
გორში, კომბინატის დასახლებაში გადასასვლელ ხიდთან მამაკაცის ცხედარი იპოვეს. გზის საფეხმავლო მონაკვეთზე დაცემული მამაკაცი გამვლელებმა შენიშნეს და 112-ს აცნობეს, თუმცა, სასწრაფო დახმარების ჯგუფს პირი გარდაცვლილი დახვდა.
ცხედარს ექსპერტიზა ლევან სამხარაულის სახელობის ექსპერტიზის ბიუროს გორის განყოფილებაში უტარდება.
მომხდარ ფაქტზე გამოძიება სსკ-ის 116-ე მუხლით მიმდინარეობს (სიცოცხლის მოსპობა გაუფრთხილებლობით, ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორიდან ოთხ წლამდე).
ერთ-ერთი ვერსიით, მამაკაცს, რომელიც ქვეითად გადაადგილდებოდა, გულის შეტევა დაემართა, რაც გარდაცვალების მიზეზი გახდა.
