გიორგი ერისთავის სახელობის გორის სახელმწიფო დრამატული თეატრი სპექტაკლების ვიდეოჩანაწერების ჩვენებას სოციალური ქსელ „ფეისბუქსა“ და „იუთუბიზე“, დღეიდან დაიწყებს. როგორც გორის თეატრში ამბობენ, მხოლოდ საგანგებო მდგომარეობის დროს არის გამართლებული ცოცხალი სპექტაკლის ნაცვლად ჩანაწერების ყურება.

„იმ დროს, როდესაც ძალიან მოგენატრებათ თქვენთვის საყვარელი თეატრები და მსახიობები, ერისთავის სახელობის თეატრი გთავაზობთ სპექტაკლების ვიდეო ჩვენებებს. როგორც დავაანონსეთ, ჩვენი და მაყურებლის ვირტუალური შეხვედრის დრო, ტრადიციულად, შაბათი და კვირა იქნება. დღეს, 19:00 საათზე თეატრის ოფიციალურ გვერდზე დაიდება სპექტაკლი „ანტიგონე“, ხვალ კი, სასცენო ხელოვნებისმოყვარულ საზოგადოებას „ალუბლის ბაღს“ შემოგთავაზებთ“, - ამბობენ გ. ერისთავის სახელობის თეატრში.